, U13 - Annika Funk

Handball Trainingslager Huttwil - erster Tag

Anreise im Doppelstock Car nach Huttwil und erster Trainingstag mit Mannschaftsabenden

Gstartet simmer in Tag chli müed. Scho am 6:45 isch de Car in Wetzike und am 7:15 in Pfäffike losgfahre. Carfahrt isch sehr chillig verloffe. Wommer acho sind hemmer euses Gepäck gschnapped und hend eusi Zimmer iigrumet (oder eher es grosses Chaos veraastaltet). Denn hemmer es tolls Training gha aber s isch echli churz gsi (nume ei Stund). Mir hend Kernwurf und Sprungwurf güebt. Nachem Training hemmer bis zum Zmittag „Spili“ gspillt. D Teigwahre, wos geh het sind uufein gsi. No besser isch denn aber de Znacht gsii (Burger und Ofeherdöpfel). Vorem Znacht hemmer aunomal es Training gha wommer schochli meh hend müese ränne, trotzdem hemmer nacher no möge zum fuessball z spile dusse. 
Au sehr kuul isch de Teamabig nachem Znacht gsi. Mir hend i 2er Teams verschideni Challenges müsse mache. Am luschtigschte isch s Spil wommer Pingpongbäll hend müsse i Becherli ineträffe.
Soo das wer denn scho de erschti Tag im lässige Handballlager gsi.